Is selfdood selfsugtig? Kan naasbestaandes voorkom dat iemand hul eie lewe neem? Riette Rust praat oor haar man, JD, se selfdood, die stigma wat aan selfdood kleef, die hoe en hoekoms, die rouproses - en dat dit moontlik is om weer op te staan en opreg gelukkig te wees.

Does hyper- or hyposensitivity cause you to feel overwhelmed or under-stimulated in environments others may find normal? Psychologist Luricka Fick considers whether mental health difficulties, including depression, anxiety and risk-taking behaviour, may point to sensory integration issues. She discusses the role dopamine plays in over- and under-responsiveness, and the benefits of a sensory integration assessment.

Kies mense hul seksuele oriëntasie? Watter 4 fasette behels seksuele identiteit? Pastorale narratiewe terapeut dr. Marietjie van Loggerenberg belig wetenskaplike navorsing wat epigenetika insluit, seksuele vloeibaarheid en die uitsluiting van gay, transgender, interseks en ander mense - onder meer in ‘n geloofskonteks.

Het jy of iemand ná aan jou ‘n psigiese siekte? Joernalis Pieter van Zyl praat oor sy boek, “Verhale van hoop: só help jy jou geliefde en jouself”, vir mense wat met ‘n uitdaging soos depressie, angsversteuring, opgaarsindroom of obsessief-kompulsiewe versteuring saamleef. Hy vertel waar die aangrypende verhale in sy boek vandaan kom; van sy eie pad met angsversteuring, major depressie en ‘n lewensmaat met bipolariteit; en hoe die navorsing en praktiese raad in sy boek uit sy eie dringende behoefte aan hulp gebore is.

Hoewel die binnewonde wat mense opdoen nie met die blote oog gesien kan word nie, ly minstens 10% van die bevolking aan posttraumatiese stressindroom. Voorligtingsielkundige Heinrich Benjamin verduidelik wat PTSD is, wat dit kan veroorsaak, hoe ons dit herken en hoe dit gediagnoseer word. Hy belig die sukses en voordele van BrainWorking Recursive Therapy in die behandeling van akute en posttraumatiese stressindroom en bespreek twee gevallestudies.

Maatskaplike werker Annette de la Porte het nie net werkservaring van depressie nie, maar het 34 jaar met depressie in die huis saamgeleef. As jy oor iemand besorg is en self swaarkry, is Annette se verduideliking van wat in die brein gebeur, die simptome en die behandeling van depressie inssiggewend. Sy gee praktiese raad oor die emosionele en ander gevolge vir die persoon met depressie sowel as vir die huismense, en hoe om dit te hanteer.

Of jy nou voltyds werk, enkellopend is, en kinders het of nie – die lewenspas is vinnig. By tye raak die eise eenvoudig net te veel. Kliniese sielkundige dr. Wilmien Human gesels eerlik oor maniere om ons balans te behou, en oor kopskuiwe wat ons kan help om ons eiesoortige, gesonde “supervrou-rol” te skep.

Hoe omskryf ons eensaamheid en watter faktore kan daartoe lei? Moet jy bekommerd raak as jou kind knaend eenkant is? Wanneer moet jy ingryp, en hoe kan jy help? Sandy Lewis van Akeso Psigiatriese Klinieke gee raad.

Brain Harmonics is ‘n vorm van EEG-bioterugvoer wat jou brein leer om die mees toepaslike breingolwe te vervaardig. Dit kan volwassenes én kinders help om ongewensde toestande te verlig, prestasie te verbeter, slegte gewoontes af te skud en lewensgehalte te verhoog. Hoe werk neuroterapie? Hoekom het ons dit nodig? Is dit veilig?

Depressie behels dikwels aspekte soos uitbranding en angstigheid. Kliniese sielkundige dr. Wilmien Human gee raad oor die simptome, die nodige steun, en die rol van medikasie en terapie.