From IUD’s to the morning-after pill ... Dr. Jireh Serfontein, sexual health physician, offers her advice on different forms of birth control and their effectiveness, advantages and disadvantages.

Met aandagafleibaarheid/hiperaktiwiteit is ons almal bekend, maar nie met begaafdheid nie. Gesinsberader en “transformational parenting coach” Mia von Scha skets die eienskappe van begaafdes, watter toestande of kwessies met ADHD verwar kan word, die voor- en nadele van “giftedness” en hoe om hierdie kinders te hanteer. Daarby het begaafde kinders meermale begaafde ouers!

Dis nie net “groot” gebeure soos inbrake wat ons traumatiseer nie. Selfs ‘n verkeersknoop en die vrees dat jy laat is, kan jou liggaam se veg-, vlug- of vriesreaksie sneller. Voorligtingsielkundige Eleen Polson bespreek die oorsake, simptome en hantering van post-traumatiese stressindroom.

Hoe kan jy jou kind se kreatiwiteit en vaardighede speel-speel ontwikkel? Opvoedkundige sielkundige Anys Rossouw gee wenke oor slim maniere om struktuur te skep en fisieke speletjies, fantasiespel, konstruktiewe spel en sosiale spel tot jou jong kind se voordeel in te span.

Wat is empatie? Hoe verskil dit van simpatie? Wanneer is ouers skuldig aan “niebekragtiging”? Is daar mense wat nie empatie kan ervaar of toon nie? Dr. Ronél le Roux, emosionele intelligensiespesialis en terapeut, gee raad oor empatie in aksie en hoe om jou kind hierin te begelei.

Die verlies van ‘n lewensmaat, ouer word, die stryd om oorlewing en ‘n pynlike siektetoestand kán met grasie hanteer word. Marina Beukes, besigheidsvrou en maatskaplike werker, deel haar inspirerende benadering.

Kliniese sielkundige Rafiq Lockhat verduidelik hoe BWRT® vóór die veg- of vlugreaksie ingryp en met kwessies soos angs, fobieë, en posttraumatiese stressindroom klaarspeel.

Kinders wat ten alle koste hul sin moet kry – al doen ouers ook wát – het moontlik ODD, ‘n neuro-ontwikkelingsverwante toestand. Dr. Isaura Ribeiro, pediater van Pretoria, praat oor die oorsake, kenmerke, diagnose en behandeling.

Voel dit soms of jy net gee en gee? Die begrippe “other-centeredness” en “adult child” is dalk op jou van toepassing. Dié insigte en selfsorgwenke kan uitbranding voorkom.

Gooi die mense om jou se fisieke of emosionele swaarkry jou van balans? Put groepe jou uit? Ooreet jy om emosionele stres hok te slaan? Lees ‘n Amerikaanse psigiater se siening oor empate se besonderse eienskappe en haar wenke rakende hul uitdagings, verhouding met kos, en romantiese verbintenisse.

Brain Harmonics is ‘n vorm van EEG-bioterugvoer wat jou brein leer om die mees toepaslike breingolwe te vervaardig. Dit kan volwassenes én kinders help om ongewensde toestande te verlig, prestasie te verbeter, slegte gewoontes af te skud en lewensgehalte te verhoog. Hoe werk neuroterapie? Hoekom het ons dit nodig? Is dit veilig?

As ons weet hoe om verstaanbaar te kommunikeer, rusies te voorkom en meningsverskille uit te sorteer, versterk dit die liefdesband. Maar hoe doen ons dit? Opvoedkundige sielkundige Anys Rossouw gee raad oor sake soos goeie tydsberekening, die waarde van humor, en die vermoë om jou emosies, behoeftes en verwagtings doeltreffend uit te druk.

Min mense sterf tuis en ons weet nie noodwendig hoe dit gebeur nie. Was jy al by in die tyd kort voor iemand se dood? Watter fisieke veranderinge vind plaas, hoe lank duur die proses, en wat kan jy te wagte wees?

Die transgenderkwessie is vir baie ouers, familielede en groepe soos geloofskringe ‘n angswekkende onderwerp. Dr. Elna Rudolph, seksuoloog, praat oor wat dit behels, transmense van alle ouderdomme (miskien iemand ná aan jou!) se uitdagings, en waar om hulp te kry of hoe om steun te bied.

Wanneer ‘n kind erken sy is lesbies of hy is gay, kan ouers skok, ongeloof, woede, leed en skuldgevoelens ervaar. Boonop vrees hulle verwerping vir hulle én hul kind. Pastorale narratiewe terapeut dr. Marietjie van Loggerenberg gee raad oor kopskuiwe, hartskuiwe, en ‘n proses wat ouers stapsgewys help om homoseksualiteit te aanvaar.

Ouers wat hoor hul kind is lesbies of gay, bevind hulle baie keer op ontstellende, onbekende terrein. Dr. Marietjie van Loggerenberg praat oor hierdie kinders se ervaring, wroeging en moontlike depressie of geloofsworsteling. Haar insigte kan ouers help om deernis te hê - met hulself én met hul kind.  

Min verhoudingsmaats kan sê hulle praat altyd die waarheid, verswyg niks, en systap “wit leuentjies”. Voorligtingsielkundige Ronelle Hart lig die sluier oor grondige redes vir stilswye of leuens. Dit neem twee mense om ‘n ruimte te skep waar die waarheid welkom is - weet jy én jou maat hoe?

Ja, dis belangrik dat jou kleinding hierdie mylpaal bereik! Ontwikkelingskenner dr. Melodie de Jager verduidelik hoe ons kruip definieer, wat die voordele daarvan is, en hoe dit ‘n baba se ontwikkeling kan raak as hy nie kruip voor hy loop nie.

Depressie behels dikwels aspekte soos uitbranding en angstigheid. Kliniese sielkundige dr. Wilmien Human gee raad oor die simptome, die nodige steun, en die rol van medikasie en terapie.

Ons fokus dikwels eerder op ons uitkomsgerigte linkerbreinkant, wat alles wat ons doen evalueer pleks van op ons intuïtiewe regterbreinkant, wat nie omgee of iets reg of verkeerd is nie. Voorligtingsielkundige Eleen Polson verduidelik hoe jy jou skeppende self deur klank, beweging of proseskuns kan stimuleer.