Sonja Goldberg: teleurstellings en verkeerde keuses definieer jou nie

Waar vind jy hoop wanneer die golwe van die lewe jou wil verswelg?  Pastoor, skrywer, omroeper, spelterapeut en berader Sonja Goldberg vertel hoe struikelblokke soos ernstige gesondheidsuitdagings, die dood van geliefdes, armoede, eensaamheid en ‘n egskeiding eindelik tóg haar geloof gevoed het - en hoe haar droom om pastoor te word ná 49 jaar bewaarheid is. Inhoud geborg.

As podsendings vir jou nuwe terrein is, kan jy op die pyltjie klik om na Sonja en Mariette te luister, of op die aflaaiknoppie (download button) om die gesprek op jou rekenaar, tablet of selfoon te stoor en te luister wanneer dit jou pas.

In episode 197 van die weeklikse reeks Calm, Clear & Helpful, praat pastoor, skrywer, omroeper, spelterapeut en berader Sonja Goldberg oor

• Sonja se hunkering om voltyds in die bediening te staan, wat eers nie vir vroue beskore was nie

• die uitwerking van sandterapie-intervensies as deel van berading

• haar grootwordjare in Upington

• molestering en vergifnis

• egskeiding, skaamte, veroordeling, geloofsworsteling en die proses van heling

• die seer en gevolge van finansiële probleme

• drie maande in die hospitaal: lesse en engele

• die kind wat Sonja amper verloor het

• isolasie - en vriendinne

• hoe gebed jou kan dra

• sonskade en Jesaja

• Sonja se tweede huwelik

• die skryf van die 3 oordenkingsboeke

• of ‘n mens vreesloos kan leef

• hoekom stiltetyd so belangrik is  

• die rol van humor in ons lewens.
  Rol af vir meer inligting oor Sonja en haar boeke.

Lees ook ‘n artikel waarin Sonja 8 persoonlike vrae beantwoord, met foto’s.

Kom saam: Inspirasie vir jou lewensreis en Kom saam: Wysheid vir jou lewensreis (LUCA Christelike Boeke by LAPA) is beskikbaar by Bargain Books, Exclusive Books, CUM, Graffiti, PNA en aanlyn by LUCA - ook beskikbaar as ‘n e-boek.

Meer oor Sonja, insluitend haar kontakbesonderhede

Sonja Goldberg, vir meer as 40 jaar ‘n grondslagfase onderwyseres in hoofstroomonderwys en onderwys vir kinders met spesiale behoeftes, het ná aftrede Teologie studeer en is vandag Geestelike Leier by die Familiekerk Bottelary, Brackenfell, in Kaapstad. Sy tree ook op as spelterapeut (spesifiek sandterapie-intervensies), berader en spreker.

Sonja is die skrywer van 3 oordenkingsboeke:

Leef jou nuwe lied (NB Uitgewers), geskryf saam met haar suster, Elsa Winckler

Kom saam: Inspirasie vir jou lewensreis (LUCA)

Kom saam: Wysheid vir jou lewensreis (LUCA).

Sonja skryf graag oordenkings vir radio (rol af vir meer besonderhede) asook stukkies vir die YouVersion Bybel-toep.

Webwerf: https://sonjagoldberg.co.za/

E-posadres: sonja@sonjagoldberg.co.za

Facebook: Sonja Goldberg

LinkedIn: Sonja Goldberg

Instagram: goldbergsonja

Foto: Carli Barnard Photography & Designs

Luister Dinsdae, Woensdae en Donderdae om 6.00 na Sonja en Eddie Goldberg op Kaapse Kansel.

Klik op “Home” hierbo en kyk gerus watter van die artikels en potgooie oor liefdesverhoudings, ouerskap, emosionele en fisieke gesondheid en persoonlike groei jou aandag trek!

Oorspronklike musiek deur Mart-Marie Snyman

Hooffoto: Unsplash

Foto van Sonja Goldberg met blou sjaal: Carli Barnard Photography & Designs